2017 оны 07 сарын 1-р арав хоногт ХАА-н үйлдвэрлэлд цаг агаарын байдал хэрхэн нөлөөлсөн тухай тойм

Агаарын температур: Аймгийн  нутгаар агаарын дундаж температур энэ арав хоногт Тариат, Хангай, ӨндөрУлаан, Цахир сумдын нутгаар 13.8-16.4 градус дулаан, бусад сумдын нутгаар 17.3-21.3 градус дулаан байв. Агаарт өдөртөө Хашаат, Эрдэнэмандал сумдад 31,0 градус,  бусад сумдын нутгаар 26,0-29,0  градус дулаан байлаа. Агаарт шөнөдөө Хашаат, Хотонт, Өгийнуур сумдын нутгаар 10,0 градус , Батцэнгэл, Өлзийт сумдын нутгаар 9,30 градус, Эрдэнэбулган суманд 8,0 градус, Төвшрүүлэх,Хайрхан сумдад 7,0 градус,  бусад сумдын нутгаар 1 - 6,0 градус хүйтэн байв. Агаарт 30 градусыг давж дулаарсан өдөр  Эрдэнэмандал, Хашаат сумдад 1 өдөр ажиглагдсан байна.

Хөрсний гадаргын температур: Хөрсний  гадаргын  дундаж  температур  энэ арав хоногт  Тариат, Төвшрүүлэх, ӨндөрУлаан сумдын нутгаар  19,0-22,0 градус , бусад сумдын нутгаар 25,0-29,0  градус дулаан байлаа.  Хөрсөнд өдөртөө Жаргалант суманд 63,0 градус,  ӨндөрУлаан суманд 61,0 градус, Хангай, Эрдэнэбулган сумдын нутгаар 60,0 градус,Эрдэнэмандал, Батцэнгэл сумдад 59,0 градус, бусад сумдын нутгаар 53,0 - 58,0 градус хүрч  халсан   байлаа. Хөрсөнд шөнөдөө Хашаат, Хотонт, Өгийнуур сумдад 8,0 градус,бусад сумдын нутгаар 0,0- 6,0 градус дулаан байна. Хөрсний  гадарга дээр 40 градусыг давж  дулаарсан өдөр Эрдэнэмандал, Хайрхан, ӨндөрУлаан, Булган сумдад 10 өдөр, Эрдэнэбулган, Цэцэрлэг, Хашаат, Чулуут, Өлзийт сумдад 9 өдөр, Хотонт,  Батцэнгэл сумдад 8 өдөр, Өгийнуур  суманд 7 өдөр, Тариат, Төвшрүүлэх сумдад 6 өдөр, Хангай, Жаргалант, Цахир  сумдад 4 өдөр ажиглагдсан байна.

Хур тунадас: Энэ арав хоногт аймгийн нийт нутгаар 1-7  удаа бороо орж, 2,1 – 29,0  мм тунадас оржээ. Хамгийн их тунадас Төвшрүүлэх суманд 29,0,0 мм, хамгийн бага тунадас Булган суманд 2,1 мм тунадас орсон байна.

 Салхи: Энэ  арав  хоногт  салхины хамгийн  их хурд секундэт 4 -23 метр хүртэл  ширүүссэн бөгөөд   хамгийн  их хурд нь Эрдэнэмандал суманд секунтэд 23 метр, Эрдэнэбулган суманд секунтэд  19 м/с, Төвшрүүлэх, Чулуут суманд секунтэд 14 м/с, Тариат, Цэцэрлэг, Хангай, Жаргалант, Хайрхан, ӨндөрУлаан, Булган  сумдад секунтэд  12 м/с, Өлзийт суманд секунтэд 11  м/с,Өгийнуур суманд секунтэд 10 м/с  бусад сумдын нутгаар 4-9 метр хүрсэн  байна. 10 м/с дээш салхитай  өдөр Эрдэнэмандал суманд 8  өдөр, Тариат суманд 6 өдөр, Эрдэнэбулган суманд 5 өдөр, Өлзийт суманд 4 өдөр, Чулуут, Жаргалант, Хайрхан сумдад 2 өдөр, Төвшрүүлэх, Хангай, Өгийнуур,Булган ӨндөрУлаан, Цэцэрлэг сумдад 1 өдөр  ажиглагдсан байв. 

Ургамал бүрхүүл: 2017 оны 07 -р сарын 10 –ний байдлаар  ургамлын ургалтын байдал  Төвшрүүлэх, Чулуут сумдын нутгаар сайн, бусад сумдын нутгаар дунд байна. Ургамлын өндөр 3-9 см байна.

Бэлчээрийн хөнөөлт хортон шавьж,мэрэгчид:Энэ арав хоногт бэлчээрийн хортон  царцаа  ихэнх сумдын  2-7 ширхэг, Цэцэрлэг  суманд  хэт олшролт болсон байна.

ХАА-н үйлдвэрлэлд цаг агаарын нөлөөлөл :МАА-н үйлдвэрлэлд  мал оторлох, хонь хяргах зэрэг  ажлууд явагдаж байна.Малын усан хангамж  Хангай, Тариат, Цахир,  Эрдэнэбулган, Төвшрүүлэх, Булган, Жаргалант  сумдын  нутгаар сайн, бусад сумдын нутгаар  дунд байна.

                    ХААЦУ-ын инженер Н.Галдигмаа